Biziň önümlerimiz, esasan, “8 ÝAP” we “SABA” haryt nyşanlary bilen meşhurdyr. Biziň maksadymyz ýokary hilli miwe şirelerini, nektarlary we gazlandyrylan içgileri öndürmekden we ýerlemekden ybarat. “Miweli oba” kärhanasy umumy meýdany 40 gektara golaý bolan hususy miweli bagçylyga eýe bolup, ol ýerde ekologik taýdan arassa, dürli witaminlere we peýdaly organiki maddalara baý miweler ösdürilip ýetişdirilýär.

Önümçiligimizde diňe tebigy şertlerde öndürilen şeker, şeýle-de Germaniýa, Awstriýa, Gollandiýa, Ispaniýa, Gresiýa ýaly ýurtlardan getirilýän goşundylar ulanylýar. Goşundylaryň hili köp sanly halkara güwänamalar bilen tassyklanan. Önümler gaplanylanda hil derejesine aýratyn üns berilýär. Gaplaýyş materiallary bilen üpjün edijiler Germaniýa, Italiýa, Türkiye ýaly ýurtlaryň öňdebaryjy halkara kompaniýalarydyr.

Häzirki wagtda kärhanamyzyň Türkmenistanyň içerki bazarynda tebigy şireleri we gazlandyrylan içgileri öndürmekde, ýerlemekde öňdebaryjylaryň biridigine buýsanýarys. Önümlerimiziň ýokary hil derejesi we ekologiýa standartlaryna gabat gelýänligi degişli şahadatnamalar bilen tassyklanandyr.

2020-nji ýyldan bäri kompaniýamyz eksport mümkinçiligini giňeltmek üçin işleýär. Häzirki wagtda önümlerimize Birleşen Arap Emirlikleriniň we Gazagystanyň bazarlarynda uly isleg bildirilýär.